Aksident i rëndë në rrugën Tepelenë-Fier! Humbin jetën dy persona, dy të plagosur

Një aksident i rëndë me pasojë vdekjen e dy personave ka ndodhur mëngjesin e kësaj të enjteje në aksin Tepelenë-Fier.

Një automjet autobot që drejtohej nga Sazan Arapi ka përplasur një automjet tip Ford që drejtohej nga Vangjel Ajdini.

Burime paraprake nga policia e Fierit pohojnë se nga përplasja e mjeteve kanë gjetur vdekjen drejtuesi i mjetit Ford Vangjel Ajdini dhe gruaja e tij Marga Ajdini. Ndërkohë të plagosur në spitalin rajonal Fier që janë duke marr ndihmën mjekësore, por janë jashtë rrezikut për jetën sazan Arapi dhe gruaja e tij Arjanisa Arapi.

“Rreth orës 05:30, në aksin rrugor “Tepelenë-Fier”, shtetasi S. A., duke drejtuar automjetin tip autobot, ka përplasur automjetin tip “Ford”, me drejtues shtetasin V. A..

Nga përplasja kanë humbur jetën në vendngjarje drejtuesi i automjetit tip “Ford”, shtetasi V. A., dhe pasagjerja që ndodhej në këtë automjet, shtetasja M. A., (bashkëshortja e shtetasit V. A.).

Drejtuesi i automjetit tip autobot, shtetasi S. A., dhe pasagjerja që ndodhej në këtë automjet, shtetasja A. A., ndodhen në spital për ndihmë mjekësore, jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit”,-thuhet në njoftimin e policisë.

LEXONI GJITHASHTU:

• Plagoset me armë zjarri 52-vjeçari në Tiranë, policia në kërkim të autorëve
• Aksident në rrugën Gjirokastër-Tepelenë, makina përplas për vdekje 62-vjeçaren