Aksident i rëndë në Tiranë/ Makina përplaset me motorin, dy të plagosur

Pasditen e sotme rreth orës 19:15, një aksident rrugor është regjistruar në bulevardin “Zhan D’ark”, ku një automjet është përplasur me një motomjet, duke lënë të plagosur dy persona.

Sipas njoftimit zyrtar të Policisë, automjeti i drejtuar nga shtetasi L. M. është përplasur me motomjetin që drejtohej nga shtetasi J. I., i cili kishte pasagjer shtetasin A. M.

Si pasojë e përplasjes, të dy personat që ndodheshin në motomjet kanë pësuar dëmtime dhe janë transportuar menjëherë në spital, ku ndodhen nën kujdesin e mjekëve. Deri më tani nuk raportohet për rrezik për jetën.

Grupi hetimor ndodhet në vendngjarje dhe po punon për zbardhjen e plotë të rrethanave dhe shkaktarëve të aksidentit.

LEXONI GJITHASHTU:

• Partia “Mundësia” siguron dy mandate, Shehaj: E pamundura ndodhi
• Përfundon numërimi i votave të diasporës në Lezhë: PD ruan 4 mandatet