Aksident në aksin Fier–Patos, plagosen dy persona

Një aksident është regjistruar mbrëmjen e kësaj të hëne në aksin rrugor Fier–Patos, pranë një karburanti. Sipas informacioneve paraprake, një automjet ka humbur kontrollin dhe është përplasur me një mjet të tonazhit të rëndë që ndodhej i parkuar në anë të rrugës.

Si pasojë e përplasjes, kanë mbetur të plagosur drejtuesi i automjetit dhe pasagjeri, të cilët janë transportuar menjëherë drejt Spitalit Rajonal të Fierit për të marrë ndihmën e nevojshme mjekësore.

Në vendngjarje ndodhen forcat e policisë dhe grupi hetimor, të cilët po punojnë për zbardhjen e plotë të rrethanave dhe përcaktimin e shkaqeve të aksidentit.

LEXONI GJITHASHTU: 

• Plagosja e 37-vjeçarit në Vlorë, policia: Qëlloi veten, hodhi armën brenda një mjeti
• Pamje nga aksidenti i rëndë në Korçë/ Automjeti përplaset me motorin, një i plagosur