Aksident në autostradën Vlorë-Fier, dy të plagosur

Një automjet tip Volkswagen Golf, me targa AB 049 OT, ka dalë nga rruga dhe ka përfunduar në kanal në autostradën Vlorë-Fier.

Në automjet ndodheshin një çift bashkëshortësh, të cilët janë transportuar me urgjencë në Spitalin Rajonal të Vlorës për të marrë ndihmën e parë mjekësore. Automjeti ishte duke lëvizur në autostradë nga Vlora në drejtim të Fierit

Sipas Policisë, shkak i aksidentit dyshohet të ketë qenë shpejtësia e lartë, që ka bërë që drejtuesi i automjetit të humbasë kontrollin.

Policia ndodhet në vendngjarje dhe po punon për zbardhjen e plotë të rrethanave të aksidentit.

LEXONI GJITHASHTU:

• Aksident i rëndë në rrugën Lezhë-Milot, humb jetën këmbësori 75-vjeçar
• Makina del nga rruga në Vlorë, plagosen 2 shtetas të huaj