Aksident në Durrës: Dy automjete përplasen kokë më kokë, njëra përfundon në kanal

Një aksident i frikshëm ka ndodhur pasditen e sotme në zonën e ish-Kënetës, në Durrës, përgjatë rrugës dytësore që çon drejt kampusit të Universitetit “Aleksandër Moisiu”.

Dy automjete tip “Volkswagen Golf” janë përplasur kokë më kokë, pasi njëra prej tyre ishte në kundravajtje, një situatë që dyshohet se erdhi për shkak të gjendjes së amortizuar të rrugës në këtë zonë.

Nga përplasja e fuqishme, njëra prej mjeteve përfundoi në kanal. Në automjetin e përfshirë ndodheshin edhe dy fëmijë minorenë, duke e bërë ngjarjen edhe më shqetësuese.

Fatmirësisht, aksidenti nuk ka pasur pasoja në njerëz dhe të gjithë personat që ndodheshin në automjetet e aksidentuara kanë shpëtuar pa lëndime serioze.

LEXONI GJITHASHTU:

• Aksident në rrugën e vjetër Vlorë-Fier, plagoset një person
• I zhdukur në dhjetor, 36-vjeçari gjendet pajetë në një shtëpi të braktisur në Durrës