Aksident në Gjirokastër, shtetasi gjerman pasi përplasi këmbësoren 48-vjeçare

Policia e Gjirokastrës ka ndaluar një shtetas gjerman, i dyshuar për përfshirje në një aksident rrugor me pasojë plagosjen e një këmbësoreje.

Ngjarja ka ndodhur në aksin rrugor “Gjirokastër-Tepelenë”, në vendin e njohur si “Plepat e Kardhiqit”, ku 56-vjeçari M. W., duke drejtuar një automjet tip “BMW”, ka aksidentuar këmbësoren Z. I., 48 vjeçe, banuese në fshatin Humelicë.

E plagosura është transportuar në Spitalin Rajonal të Gjirokastrës, ku ndodhet nën kujdesin e mjekëve.

Specialistët e Sektorit të Policisë Rrugore arrestuan në flagrancë shtetasin gjerman për veprën penale “Shkelja e rregullave të qarkullimit rrugor”.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.