Aksident në Korçë: Makina përplaset me motorin, një i plagosur

Një aksident ka ndodhur në bulevardin “Fan Noli” në afërsi të spitalit të qytetit të Korçës, ku janë përfshirë një mjet dhe një motoçikletë.

Si pasojë e aksidentit, drejtuesi i motoçikletës ka mbetur i plagosur dhe është transportuar në spitalin e Korçës. Sipas informacionit të deritanishëm, gjendja e tij është stabile dhe nuk ka rrezik për jetën.

Policia ka nisur hetimet për të zbardhur shkaqet e aksidentit, ndërkohë që dyshohet se njëri nga mjetet e përfshira në aksident nuk ka respektuar rregullat e qarkullimit rrugor. Hetimet vijojnë për të sqaruar të gjitha detajet dhe për të përcaktuar përgjegjësitë.

Njoftimi i policisë:

Rreth orës 11:00, në lagjen nr. 4, motomjeti me drejtues shtetasin J. B. është përplasur me automjetin me drejtues shtetasin E. B.

Nga aksidenti është dëmtuar drejtuesi i motomjetit, shtetasi J. B., 45 vjeç, i cili po merr mjekim në spitalin e Korçës.

Drejtuesi i automjetit është shoqëruar në Komisariat, për veprime të mëtejshme.

Grupi hetimor po punon për sqarimin e rrethanave të aksidentit.

LEXONI GJITHASHTU:

• U kallëzua nga ish-e dashura për dhunë dhe kërcënim, arrestohet 49-vjeçari në Tiranë
• Gjendet një makinë e djegur e një armë, dyshohet se u përdorën te atentati në Durrës