Aksident në Lushnjë, dy makina përplasen gjatë parakalimit. Plagosen 2 persona

Një aksident ka ndodhur këtë të martë në bay passin e Lushnjës. Dy makina janë fërkuar gjatë një parakalimi dhe si rezultat shoferi i Audi-t ka humbur kontrollin e makinës, duke u përplasur kështu me barrierën anësore.

Nga aksidenti kanë mbetur të plagosur drejtuesi i mjetit dhe një person tjetër i cili po udhëtonte në makinë me të. Dy të lënduarit janë transportuar me urgjencë në spitalin e Lushnjës.

Uniformat blu në vendngjarje po punojnë për të dokumentuar rastin. Nga të dhënat paraprake dyshohet se shkak ka qenë shpejtësia e lartë dhe reshjet në autostradë. Kjo pjesë e bay passit në Lushnje ka qenë vazhdimisht problematike nga reshjet dhe disa herë me fatalitete në aksidente.

LEXONI GJITHASHTU:

• Aksident i rëndë në Fushë-Krujë, makina përplas për vdekje 17-vjeçarin
• Shqipëria e 6-ta në Evropë për aksidentet, ekspertët: Shkak, sinjalistika në rrugë