Aksident në Prrenjas, furgoni i policisë së burgjeve përplaset me kamionin

Një aksident i rëndë ka ndodhur në aksin rrugor Prrenjas-Qafë Thanë, ku një furgon i policisë së burgjeve, që transportonte punonjës drejt burgut të Pojskës, është përplasur me një kamion. Si pasojë e përplasjes, kamioni ka përfunduar në kanal.

Dyshohet se aksidenti ka ardhur për shkak të lagështirës në rrugë. Dëmtime ka pësuar vetëm shoferi i furgonit të policisë së burgjeve, ndërsa të tjerët që ndodheshin në furgon kanë shpëtuar pa dëmtime.

Policia dhe grupi heimor ndodhen në vendngjarje dhe po vijojnë punën për zbardhjen e shkaqeve të aksidentit.

Elbasan/Informacion paraprak

Në aksin rrugor “Librazhd-Qaf Thanë”, automjeti i IEVP-së (në të cilin udhëtonte personeli), me drejtues shtetasin A. S., 57 vjeç, është përplasur me kamionin me drejtues shtetasin malazez N. P., 33 vjeç. Si pasojë, është dëmtuar shtetasi A. S., i cili është në kujdesin e mjekëve, jashtë rrezikut për jetën.

Grupi hetimor po punon për përcaktimin e shkaqeve të aksidentit.

LEXONI GJITHASHTU:

• Aksident në Shkodër, makina përplas këmbësorin
• Humbet jetën 61-vjeçari, u aksidentua në pikën e përpunimit të inerteve