Humbet jetën 61-vjeçari, u aksidentua në pikën e përpunimit të inerteve

Një 61-vjeçar i identifikuarr, si Fatmir Haxhiu, ka humbur jetën pranë një pike të përpunimit të inerteve në fshatin Skuraj.

Burime bëjnë me dije se ngjarja ka ndodhur ditën e premte, teksa viktima është rrëzuar në pjesët e lavatriçes për përpunimin e inerteve, duke pësuar plagë të rënda.

Pas aksidentit, ai është transportuar për ndihmë mjekësore në Spitalin e Traumës, por, fatkeqësisht, nuk ka arritur të mbijetojë.

Policia ka shpallur në kërkim pronarin e pikës së përpunimit të inerteve në Lumin Mat dhe po hetohen shkaqet e ngjarjes.

Ndërkohë, aktiviteti i kësaj lavatriçeje për përpunimin e inerteve është bllokuar nga autoritetet.

LEXONI GJITHASHTU:

• Reklamonin vaj ulliri bio dhe shisnin përzierje me vajra të panjohur, arrestohen
• Vlora “pushtohet” nga tymi, përfshihet sërish nga flakët fusha e mbetjeve