Vlora “pushtohet” nga tymi, përfshihet sërish nga flakët fusha e mbetjeve

Fusha e vendgrumbullimit të mbeturinave, që ndodhet në lagjen “24 Maji” të qytetit të Vlorës është përfshirë sërish nga flakët.

Një vatër aktive ka qenë prezente që nga e premtja në mbrëmje, duke u shtrirë dhe duke u përhapur në fushën e mbetjeve.

Lagjja “24 Maji”, një prej zonave më të banuara të Vlorës, është zgjuar mëngjesin e kësaj të shtune nga re të dendura tymi.

Zjarrvënia dyshohet se është sërish e qëllimshme.

Strukturat e Bashkisë Vlorë, emergjencat civile dhe forcat zjarrfikëse janë në terren, duke u përpjekur të normalizojnë situatën.

Ata po punojnë për të shuar vatrat aktive të zjarrit, por me sa duket deri tani përpjekjet kanë rezultuar të pamjaftueshme për të ndaluar zjarrin.

LEXONI GJITHASHTU:

• Në flakë fusha e mbetjeve në qytetin e Vlorës, dyshohet të jetë vendosur qëllimisht
• Zjarri masiv përfshin fushën e mbetjeve në Elbasan