Aksident në rrugën Lushnjë -Berat, lëndohen 5 anëtarët e një familje

Një aksident ka ndodhur këtë të mërkurë në aksin rrugor Lushnjë-Berat. Një mjeti tip fuoristradë ka dalë nga rruga dhe si pasojë janë lënduar 5 persona.

“Rreth orës 18:00, në aksin rrugor “Lushnjë-Berat”, në fshatin Stan Karbunarë, shtetasi D. F., 42 vjeç, duke drejtuar automjetin tip “Toyota”, ka humbur kontrollin mbi drejtimin e automjetit dhe për pasojë automjeti ka dalë nga rruga”- njofton policia.

Si pasojë e daljes nga rruga, është dëmtuar drejtuesi i mjetit, shtetasja E. F., 37 vjeçe dhe fëmijët e tyre të mitur, të moshave 14 vjeç, 13 vjeç dhe 7 vjeç, të cilët ndodhen në Spitalin e Lushnjes, në kujdesin e mjekëve.

Grupi hetimor po punon për zbardhjen e rrethanave të aksidentit.

LEXONI GJITHASHTU:

• Botërori i femrave| “Luaneshat” mbërrijnë në finale, britaniket mposhtën Australinë
• 4500 turistë në ditë në Sarandë, këtë vit kanë ardhur mbi 327 mijë të huaj