Aksident në superstradën Lezhë–Shkodër, plagosen pesë persona, mes tyre një fëmijë

Një aksident i rëndë rrugor ka ndodhur pasditen e kësaj të shtune në superstradën Lezhë–Shkodër, në afërsi të kryqëzimit të Gjadrit.

Në aksident janë përfshirë tre automjete ndërsa si pasojë e përplasjes, pesë persona kanë mbetur të plagosur, përfshirë një fëmijë.

Të plagosurit janë transportuar me urgjencë në spitalin e Lezhës, ku po marrin ndihmën e nevojshme mjekësore.

Në vendngjarje kanë mbërritur shërbimet e policisë rrugore, të cilat kanë nisur hetimet për të përcaktuar rrethanat dhe shkaqet e aksidentit.

Qarkullimi në këtë segment rrugor është vështirësuar përkohësisht, por po normalizohet gradualisht.

LEXONI GJITHASHTU:

• Aksident në Durrës, automjeti përplas dy këmbësorë në rrugën “Taulantia”
• Lezhë, 12 vjet burg 38-vjeçarit të akuzuar për vjedhje dhe marrëdhënie me të mitur