Aksident tragjik në autostradën Tiranë-Durrës, humb jetën 19-vjeçari

Një aksident i rëndë rrugor ka ndodhur rreth orës 00:40 të së shtunës në autostradën “Tiranë-Durrës”, në zonën e Marikajt, ku një 19-vjeçar ka humbur jetën dhe dy të rinj të tjerë kanë mbetur të plagosur.

Sipas informacioneve paraprake, drejtuesi i mjetit, shtetasi D. D., 18 vjeç, dyshohet se ka humbur kontrollin mbi automjetin, i cili ka dalë nga rruga. Si pasojë e aksidentit, ka ndërruar jetë në vendngjarje pasagjeri E. B., 19 vjeç.

Ndërkohë, drejtuesi i mjetit dhe një pasagjer tjetër janë dërguar me urgjencë në spital, ku ndodhen nën kujdesin e mjekëve.

Grupi hetimor po punon për të përcaktuar shkakun e aksidentit dhe për të zbardhur rrethanat e ngjarjes.

LEXONI GJITHASHTU:

• Aksident tragjik në Gjadër: Humb jetën një turist i huaj
• VIDEO/ Autobusi Kamëz–Tiranë përfshihet nga flakët, pasagjerët shpëtojnë pa lëndime