Aksident tragjik në Bulqizë: Humb jetën një grua, pesë të plagosur

Një aksident i rëndë ka ndodhur mbrëmjen e sotme rreth orës 21:00 në aksin rrugor Bulqizë – fshati Peladhi, pranë vendit të quajtur “Ura e Qytetit”.

Shtetasi me iniciale E.Z., teksa drejtonte një automjet tip ‘Fuoristradë’, ka humbur kontrollin mbi drejtimin e mjetit, duke dalë nga rruga. Si pasojë e aksidentit ka humbur jetën bashkëshortja e tij, shtetasja M.Z., 31 vjeçe.

Ndërkohë, vetë drejtuesi i mjetit dhe katër pasagjerë të tjerë kanë mbetur të plagosur. Ata po transportohen drejt Tiranës për ndihmë mjekësore më të specializuar.

Në vendngjarje ndodhet grupi hetimor, i cili po punon për të zbardhur rrethanat dhe shkaqet e aksidentit tragjik.

LEXONI GJITHASHTU:

• Dosja – E dashura e Safet Bajrit arrestohet në lidhje me vrasjen e Fatbardh Licit
• Vrau gruan dhe u hodh nga ballkoni, dalin fotot e çiftit shqiptar në Greqi