Aksident tragjik në Greqi, humb jetën shoferi 21-vjeçar nga Shqipëria

Një aksident tragjik ka ndodhur të dielën pasdite në Polikarpi të Almopisë, në Pella, ku një shofer 21-vjeçar ka humbur jetën.

Sipas informacioneve, automjeti i drejtuar nga 21-vjeçari ka dalë nga rruga dhe ka përfunduar jashtë saj.

Si pasojë e aksidentit, shoferi, me origjinë nga Shqipëria, ka ndërruar jetë nga plagët e marra, raporton aridaianews.gr.

Një tjetër shofer, që udhëtonte në të njëjtën rrugë, ka njoftuar menjëherë një ambulancë, e cila ka mbërritur në vendngjarje dhe ka gjetur 21-vjeçarin pa ndjenja.

Ai është transportuar menjëherë në spital, por fatkeqësisht nuk ka mundur të mbijetojë plagëve.

Departamenti i Policisë së Almopisë ka nisur një hetim paraprak për të zbardhur shkaqet e aksidentit.

LEXONI GJITHASHTU:

• Ekstradohen drejt Turqisë dhe Greqisë 2 persona të kërkuar për vepra të rënda penale
• Akuzohet për spiunazh në operacionet e NATO-s, burgoset një burrë në Greqi