Një aksident i rëndë me pasojë 4 të vdekur është shënuar mbrëmjen e së dielës në rrugën Via Emilia, Parma, Itali.

Mediat e vendit fqinj shkruajnë se një automjet ka dalë nga rruga dhe është përplasur me një shtëpi të pabanuar në komunën e Reggio Emilia.

Për pasojë katër persona, një vajzë 22-vjeçare dhe tre fëmijë të moshës 2, 8 dhe 12 vjeç kanë vdekur menjëherë, ndërsa një burrë është shtruar në spital në gjendje shumë të rëndë shëndetësore.

Sipas informacioneve fillestare, vajza 22-vjeçare është nëna e fëmijës 2-vjeçar ndërsa i plagosuri është partneri i gruas dhe babai i fëmijës 2-vjeçar.

Familja me origjinë shqiptare po udhëtonte kur automjeti u përplas me murin për arsye që nuk dihen: makina është shkatërruar plotësisht dhe e thërrmuar.

Sipas informacioneve të para, në makinë ndodhej 22-vjeçarja dhe partneri i saj me djalin 2-vjeçar, ndërsa dy fëmijët e tjerë të moshës 8 dhe 12 mendohet të jenë të afërm të tyre.

LEXONI GJITHASHTU:

• Aksident tragjik në Itali, humb jetën 21-vjeçari shqiptar (EMRI)
• Momente nga aksidenti në Vlorë, makina përfundon në anën tjetër të rrugës