Aksident tragjik në Unazën e Madhe: Një e vdekur dhe një e plagosur
Një aksident i rëndë rrugor ka ndodhur mëngjesin e kësaj të hëne pranë mbikalimit të Paskuqanit, në Unazën e Madhe të kryeqytetit, ku për pasojë një grua humbi jetën dhe një tjetër mbeti e plagosur.
Sipas informacionit zyrtar nga Policia e Tiranës, rreth orës 09:35, shtetasi R. Q., 35 vjeç, ka përplasur me automjetin e tij dy kalimtare, shtetaset L. S., rreth 72 vjeçe, dhe H. M., rreth 66 vjeçe, të cilat dyshohet se po kalonin trafikndarësen në atë moment.
Si pasojë e përplasjes, shtetasja L. S. humbi jetën, ndërsa shtetasja H. M. mbeti e plagosur dhe ndodhet nën kujdesin e mjekëve.
Drejtuesi i mjetit është shoqëruar në ambientet e Policisë për kryerjen e veprimeve të mëtejshme procedurale, ndërsa në vendngjarje ndodhen forca të shumta policie dhe grupi hetimor po punon për zbardhjen e plotë të rrethanave të aksidentit.
Materialet procedurale i janë referuar Prokurorisë së Tiranës për veprime të mëtejshme ligjore.
LEXONI GJITHASHTU:
Kryefaqja
Të shtëna me armë zjarri ndaj një servisi celularësh në Babrru, kapet i dyshuari 18-vjeçar
Pas tubimit para Kryeministrisë, protestuesit marshojnë në rrugët e kryeqytetit në ditën e 27-të të protestës
Policia shpëton dy turiste holandeze të bllokuara në Shpellën e Pëllumbasit (VIDEO)
- 23:14 Çipa: Një qeverisje e mençur i merr disa nga diaspora dhe u jep vende në administratë!
- 22:22 “Fryma e protestës është kundër kapitalizmit”, Rexhaj: Këto nuk janë kërkesa!
- 21:59 Hitaj: Nëse protesta vazhdon edhe dy javë, PS dhe PD do luftojnë për vendin e dytë në Tiranë
- 21:49 “Kërkoj ndjesë publike, votova ndryshimet kushtetuese të vitit 2008”, flet ish-deputetja
- 21:30 Të shtëna me armë zjarri ndaj një servisi celularësh në Babrru, kapet i dyshuari 18-vjeçar
- 21:23 Pas tubimit para Kryeministrisë, protestuesit marshojnë në rrugët e kryeqytetit në ditën e 27-të të protestës