Aksidentet gjatë gjashtëmujorit të parë të 2025, problem mbeten drejtuesit e rinj

Në muajin qershor 2025 janë regjistruar 107 aksidente rrugore, me pasoja për gjithsej 140 persona, duke përfshirë humbjen e jetës dhe plagosjen ose lëndimet.

Të dhënat e publikuara janë paraprake dhe mund të pësojnë ndryshime në përditësime të mëvonshme.

Gjatë periudhës janar–qershor 2025, numri i aksidenteve rrugore është ulur me 17.1% krahasuar me të njëjtën periudhë të vitit të kaluar.

Sipas statistikave, në 92.5% të rasteve, aksidentet ndodhin për shkak të sjelljes së drejtuesit të mjetit.

Grupi më aktiv në këtë aspekt janë personat në moshën 25–34 vjeç, të cilët janë përgjegjës për 27.1% të aksidenteve të regjistruara gjatë periudhës.

Nga ana e kohës, numri më i lartë i aksidenteve në muajin qershor është regjistruar gjatë ditës së hënë, me 19.6%, ndërsa dita me më pak aksidente është e marta, me vetëm 6.5%.

Sa i përket orarit, periudha më e rrezikshme për aksidente është nga ora 19:00 deri në mesnatë, ku ndodhin 22.4% e aksidenteve totale.

LEXONI GJITHASHTU:

• Gushti sjell fluks të lartë në Qafë Thanë, radhë kilometrike në dalje nga Shqipëria
• Kodi i ri Penal: Deri në 3 vite burg kush keqtrajton ose braktis kafshët