Aksidentet rrugore, eksperti: Duhet të riedukohen shoferët e rinj dhe të vjetër

Eksperti rrugor, Fatmir Hasho deklaroi se numri më i madh i aksidenteve që po ndodhin në vend, janë për faj të drejtuesve të mjeteve.

Në një intervistë për “Euronews Albania”, Hasho theksoi se duhet të bëhet riedukimi i shoderëve të rinj, por edhe të vjetër.

Sipas tij, nuk është diçka pozitive fakti që Kodi Rrugor po pëson ndryshime të shpeshta.

“Ne ende nuk kemi gjë në vijë me gjithë ato masa që janë marrë dhe po merren vazhdimisht. Kemi një problematikë të shtuar dhe unë vazhdoj të këmbëngul tek edukimi i përdoruresve të rrugës, duke filluar nga përdoruesit e mjeteve, pastaj te këmbësorët, te biçilkistët, te ata me motor e të tjerë. Të gjitha aksidentet që po dëgjojmë, kemi të bëjmë direkt me drejtuesit e mjeteve. Kodi Rrugor po pëson ndryshime të shpeshta dhe kjo për mua nuk është pozitive”, nënvizoi eksperti.

LEXONI GJITHASHTU

• Aksidentohet fëmija i mitur në Vlorë
• Makina përfundon jashtë rruge, foto nga aksidenti me dy viktima në Rubik