Aksidenti në Qafë-Thanë, arrestohet drejtuesi i mjetit që u përplas me autobusin

Policia ka arrestuar ditën e sotme drejtuesin e mjetit, i cili ditën e djeshme u përplas me autobusin në aksin rrugor “Qafë Thanë-Prrenjas”, ku për pasojë mbetën të plagosur 5 persona.

Blutë bëjnë me dije se në pranga ka rënë shtetasiI. M., 28 vjeç, banues në fshatin Buçimas, Pogradec, për veprën penale “Shkelja e rregullave të qarkullimit rrugor”, pasi duke drejtuar automjetin, ka humbur kontrollin mbi drejtimin e automjetit dhe për pasojë automjeti është përplasur me autobusin me drejtues I. A.

Nga ky aksident, ka marrë flakë automjeti që drejtohej nga shtetasi I. M. dhe janë dëmtuar 5 pasagjerët në të, të cilët janë në kujdesin e mjekëve

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU: 

• “Me dy hasmëri, por nuk ruhej”- Gazetarja: Gosa i përfshirë në vrasje në vitin 2012
• Pamje nga aksidenti në Qafë-Thanë, 2 të plagosurit rëndë, nisen drejt Traumës