Aksion nga organizatat serbe në Veri? Elezi flet për situatën

Analisti Bedri Elezi foli në lidhje me fletushkat që po u shpërndahen serbëve në Veri të Kosovës.

Në një lidhje të drejtpërdrejt për Euronews Albania, ai theksoi se dy organizatat që ishin rojet e urës dhe brigadat tashmë janë shkrirë në një.

Sipas tij deri më tani Kosova nuk ndonjë procedurë për ndjekjen e tyre, ndërsa nuk e di nëse kjo organizatë do të jetë kërcënim për Kosovën.

“Pas zhvillimeve të fundit që kishim me 24 shtator erdhën dhe disa ndryshime. Sipas informacioneve që kemi dy organizatat që ishin rojat e urës dhe brigadat e Veriut, tani mesa duket janë shkrirë në këtë strukturë të re, që ka marrë dhe një udhëheqje të re. Një pjesë e personave të cilët kanë qenë të strukturuara në dy organizatat e mëparshme mund të themi se kanë më të vështirë lëvizjet e tyre për të qenë prezent fizikisht në disa aktivitetet dhe tani  kemi një strukturë apo një organizatë që buron nga organizatat e mëparshme.. Kosova nuk ka ndonjë procedurë për ndjekjen e tyre”-tha ai.

LEXONI GJITHASHTU: 

• Ndeshjet e Champions për këtë të martë, zbresin në fushë Bayern dhe PSG
• Vrau me çekiç ish-të dashurën, dënohet me burgim të përjetshëm futbollisti