Me ardhjen e 16 emigrantëve të parë afganë në kampin e Shëngjinit, një grup aktivistësh zhvilluan këtë të mërkurë një aksion simbolik kundër këtij vendimi, i cili erdhi si marrëveshje mes dy shteteve, palës italiane dhe asaj shqiptare.
Një prej aktivistëve u shpreh që ky aksion, i cili jen si vazhdë e disa protestave kundër këtij vendimi, shpreh kundërshtimin kundër mënyrës së si emigrantët po trajtohen.
Ai kritikoi marrëveshjen mes kryeministrit Edi Rama dhe kryeministres italiane Giorgia Meloni, duke theksuar se ajo ka forcuar pozitat e tyre në Perëndim, pa ofruar zgjidhje reale për çështjen e emigrantëve.
“Ne mendojmë që ky kamp është një skenë krimi që i bëhet demokracisë. Është një skenë krimi që ju bëhet emigrantëve që vijnë këtu, shqiptarëve dhe italianëve. Ky model nuk mund të jetë modeli që zgjidh çështjen e emigrantëve. Jemi të vetëdijshëm që është çështje e rëndësishme, por jo që të marrë përmasa zgjedhor dhe spektakolarizime të disa njerëzve. Kjo lloj marrëveshje nuk ka bërë asgjë veçse ka forcuar poztën e Ramës në perëndim dhe të Melonit para elektoratit të vetë. Ky është një model që nuk mund të ndiqet sepse është fundi i demokracisë perëndimore për të cilën është luftuar dhe besuar prej vitesh. Ky është një aksion simbolik,” –tha aktivisti nga kampi në Shëngjin.
LEXONI GJITHASHTU:
- “Për sa e tradhëtove vendin, kryeministër?”, aktivisti ndërpret Orban në PE
- Anija me emigrantët e parë ankorohet në portin e Shëngjinit, policia njoftim zyrtar
