Aktivistja me lot në sy: Të moshuarit ngrohen me bidona me ujë të nxehtë

Të moshuarit dhe personat më aftësi ndryshe shprehen për emisionin “Mirëmëngjes” në Euronews Albania se bonusi i ofruar nga qeveria prej 3 mijë lekësh është i pamjaftueshëm në këtë kohë kur çmimet janë rritur.

Mira Pirdeni, aktiviste moshimi u shpreh se të moshuarit ndodhen në vështirësi ekonomike.

“Askush në botë nuk mund të mbahet me pensionin nëse nuk ke mbështetje të tjera. Duhet të kenë mbështetje nga pushteti lokal”, u shpreh ajo.

Më lot në sy znj. Pirdeni tha se ka parë të moshuara të cilët nuk kanë me çfarë të ngrohen dhe marrin bidona më ujë të ngrohtë që i vendosin në këmbë.

“Jo 30 mijë lekë as 300 mijë sikur të japë, nuk e përballojnë dot shpenzimet. Kam dhimbje në shpirt kur kujtoj që zonja të moshuara marrin bidona për të ngrohur këmbët. Të punosh një jetë të tërë për të t’u ngrohur me bidona”, tha ajo e përlotur.

LEXONI GJITHASHTU:

• 61-vjeçari i verbër: S’blemë dot mish viçi, 3 mijë lekëshi i pamjaftueshëm