Aktivitete për ‘JO-në’ greke, homazhe në varrezat e Dropullit

Në 84-vjetorin e “JO-së” së Greqisë kundër Italisë fashiste, e cila shënon edhe nisjen e luftës italo-greke në vitin 1940, në zonën e Dropullit janë zhvilluar disa aktivitete.

Këtë të hënë në fshatin Bularat u zhvilluan homazhe në varrezën memoriale të ushtarëve grekë të rënë në këtë luftë. Programi i aktivitetit nisi me një meshë në varrezën e fshatit Bularat.

Më pas në 6-vjetorin e Kostandin Kacifas, përfaqësues të palës greke vendosën buqeta me lule në varrin e tij. Në vazhdim aktivitetet u zhvendosën me homazhe ne varrezën memoriale të ushtarëve grekë të rënë në luftën italo-greke.

“Sot është një festë e madhe për kombin tonë, është dita që populli grek i tha “JO” fashizmit në histori. Jemi nga popujt e  paktë që festojmë nisjen e një beteje dhe jo fitoren. Shumë herë në jetë njerëzve iu del të thonë një “JO” ose një “PO” të madhe, ata që thonë “JO” historia i nderon dhe i respekton”, tha Beleri.

Përgjatë këtyre ditëve në zonën e Dropullit janë zhvilluar edhe aktivitete kulturore nga nxënësit e shkollave në nderim të mos dorëzimit të Greqisë kundër fashizmit.

LEXONI GJITHASHTU:

• Festivali i Filmit në Dropull, prezantohen 40 filma nga producentë grekë e shqiptarë
• Dropull| Aktivizohen sërish zjarret, ndërhyn helikopteri për shuarjen e flakëve