AKU bllokon 21 mijë vezë dhe produkte sallamerie në 13 subjekte në Vlorë

Mbi 21 mijë kokrra vezë dhe produkte sallamarie të pasigurta për konsum janë bllokuar gjatë kontrolleve  të Autoritetit Kombëtar i Ushqimit (AKU), në 13 subjekte në Vlorë.

Subjektet, për të cilat AKU vendosi masa administrative, ushtronin aktivitetin e tregtimit të produkteve të mishit, mishit të pulës dhe të vezëve, në magazina frigoriferike, në supermarkete dhe fastfood-e.

Për shkeljet e konstatuara, trupa inspektuese e AKU-së vendosi masa administrative me gjobë në vlerën 6’150’000 lekë, si dhe u krye bllokimi i sasisë prej 21’840 kokrra vezë dhe produkte sallamarie të pasigurta për konsum.

“Në Qarkun e Vlorës, trupa inspektuese e Autoritetit Kombëtar të Ushqimit, ka vijuar me kontrollet dhe monitorimet në subjekte që ushtrojnë aktivitetin e tregtimit të produkteve të mishit, mishit të pulës dhe të vezëve, në magazina frigoriferike, në supermarkete dhe fastfood-e.

Gjatë ushtrimit të kontrolleve janë konstatuar tregtim i ushqimit të pasigurt, në mungesë gjurmueshmërie, etiketimi, kundëretiketë në gjuhën shqipe dhe vezë të vendosura në kuti pa vulë dhe logon përkatëse.  Për shkeljet e konstatuara, trupa inspektuese e AKU-së vendosi masa administrative me gjobë në vlerën 6’150’000 lekë, si dhe u krye bllokimi i sasisë prej 21’840 kokrra vezë dhe produkte sallamarie të pasigurta për konsum”, thuhet në njoftim.

LEXONI GJITHASHTU

• Inflacioni 8.3%, çmimet u rritën edhe në tetor, më shtrenjtë transporti e ushqimet

• Në shtator u shtrenjtuan veshjet e qiratë, ushqimet njësoj si në gusht
• Ushqimi natën ju bën më të uritur dhe rrit rrezikun e obezitetit, zbulon studimi