AKU ndalon importin e pjeshkëve dhe rrushit, ngarkesë e lartë pesticidesh

Autoriteti Kombëtar i Ushqimit ka ndaluar hyrjen dhe ka bllokuar shpërndarjen në treg të tre ngarkesave me fruta të importuara nga Greqia dhe Italia, pasi analizat laboratorike konfirmuan nivele të larta të pesticideve të rrezikshme për shëndetin e njeriut.

Lajmi është bërë i ditur nga vetë AKU këtë të mërkurë përmes një njoftimi zyrtar.

Në kuadër të kontrolleve zyrtare dhe pas sinjalizimeve të marra përmes sistemit evropian të sigurisë ushqimore RASFF, janë identifikuar dhe bllokuar sasi të mëdha të pjeshkëve dhe rrushit të kuq, të cilat përmbanin mbetje kimike mbi normat e lejuara.

Frutat e ndaluara përfshijnë:

1. Pjeshkë nga Greqia, të kontaminuara me pesticidin Phosmet
2. Rrush i kuq francez nga Greqia, me mbetje të Propamocarb
3. Rrush tavoline Red Globe nga Italia, me prani të Bitertanol

LEXONI GJITHASHTU:

• Metaj mohon lidhjet me grupin kriminal në “Flakë në det”: Akuza është e padrejtë
• 2 vjet nga Banjska, Kosova kërkon t’i dorëzohen të akuzuarit për vrasjen e Bunajkut