AKU shton kontrollet te bizneset, 70 mln lekë gjoba për ushqimet

Autoriteti Kombëtar i Ushqimit ka kryer këtë vit rreth 20 mijë kontrolle në bizneset që tregtojnë produkte ushqimore. Kontrollet janë kryer vecanerisht tek ata operatroë që kanë risk më të lartë se të tjerët.

Në total, është parë se në ndryshim nga viti i kaluar ka pasur një kujdes më të madh për të mbajtur ushqimet e sigurta, por nuk kanë munguar edhe rastet kur nuk garantohet standardi. Për pasojë, në 7 muajt e parë të vitit, AKU ka vendosur gjoba që kapin vlerën 70 mln lekë.

Në të gjitha kontrollet zyrtare, ajo që vihet re këtë vit në ndryshim nga viti i shkuar është një ulje e masave administrative të llojit gjobë dhe një rritje të paralajmërimeve që jepet gjatë këtyre kontrolleve zyrtare.

Sa i përket produkteve, është gjetur se ato me bazë mishin, kanë patur riskun më të lartë dhe një pjesë e suplementëve janë bllokuar dhe tërhequr nga tregu.

AKU ka 21 mijë operatorë të regjistruar të biznesit ushqimor, të cilët i kontrollon me profilizim risku.

LEXONI GJITHASHTU:

• EMRI| Iu vu tritol në 2019, kush është kandidati i parë për 3 vendet vakante në SPAK
• Dyshohet se ndërtoi minën tek vrasja e Vajdin Lamaj, paraqitet në SPAK Çervenkovski