“Akuzat më të rënda për një zyrtar”, Imeraj: Ahmetaj rrezikon dënim të lartë

Ish-drejtuesja e Prokurorisë së Tiranës Elisabeta Imeraj tha në një intervistë për Euronews Albania se nisur nga 3 veprat penale që dyshohet se ka kryer Arben Ahmetaj ai rrezikon dënim të lartë.

Imeraj u shpreh se akuzat që rëndojmë mbi ish-zv.kryeministrin janë më të rëndat që një zyrtar mund të kryejë gjatë ushtrimit të detyrës.

“Ahmetaj dyshohet për 3 vepra penale, mosdeklarim i pasurisë, korrupsion dhe pastrim parash. E parë në kontekstin që hetimi përfundon me këto akuza, Ahmetaj rrezikon dënim të lartë. Janë akuzat më të rënda që një zyrtar mund të kryejë gjatë ushtrimit të funksionit të tij. Janë elementë që për shkak të detyrës që ka pasur, në të paktën 6 raste është vërtetuar akuza e korrupsionit”, tha ish-drejtuesja e prokurorisë.

LEXONI GJITHASHTU:

• Avokatët: Arben Ahmetaj ndodhet jashtë vendit për arsye familjare
• Kërkesa e SPAK për arrestimin e Ahmetajt, mblidhet Këshilli i Mandateve