Akuzat për portin e Durrësit, Rama: Rublat duan të pengojnë projektin

Kryeministri Edi Rama ka reaguar përmes një postimi në Twitter për akuzat mbi portin e Durrësit.

Sipas tij bëhet fjalë për shpifje dhe poshtërsi në dëm të interesit të vendit. Rama thotë se investimi është transformues jo vetëm për Durrësin, por për gjithë Shqipërinë dhe gjithë çfarë thuhet është provë se opozita më herët i ka bërë vetë ato “poshtërsi”.

“Synimi i këtij sulmi të dëshpëruar është pengimi i këtij investimi të madh transformues për Durrësin dhe gjithë Shqipërinë, përmes intimidimit të një prej kompanive flamur të Emirateve të Bashkuara, të cilën e kemi sjellë me mbështetjen e Presidentit, Sheikh Muhammed Bin Zayed,” – shkroi Rama në Twitter.

Akuzat haluçinante kundër një kompanie ardhja e së cilës është përveç të tjerash një imazh i ri fitues i Shqipërisë në arenën ndërkombëtare, janë tallja e radhës me ata shqiptarë që akoma i ndjekin pas këta të shitur, pa fe, pa atdhe, pa din e as iman…

— Edi Rama (@ediramaal) November 11, 2022

Procedura për ndërtimin e portit të Durrësit ka shkaktuar mjaft debate dhe akuza nga opozita se kryeministri po “fal” tokën ku do të bëhet investimi arab.

LEXONI GJITHASHTU:

• Porti i Durrësit në Kushtetuese, PD: Megaaferë korruptive
• Meta tregon dokumentin: Porti i Durrësit i jepet kompanive offshore
• Porti i Durrësit, Berisha: Rama dha 1.5 mln metër katror truall pa garë