Akuzohen për atentatin ndaj ish-prokurorit Ndoja, të arrestuarit dalin para gjykatës

Në Gjykatën e Posaçme po zhvillohet seanca për vlerësimin e masës së sigurisë për të arrestuarit në lidhje me atentatin ndaj ish-prokurorit Arjan Ndoja, Aleksandër Lahos dhe shoferit Andi Maloku që humbi dhe jetën në nëntor te 2019-tës.

Paraditen e sotme po njihen me masën e arrestit në burg të dhënë në mungesë, Bashkim Haxhija, Marsel Deçka, Endrit Sinani, Genti Ndërjaku i njohur edhe me emrin Kili Ndërjaku dhe Juljan Pjetri.

Ndërsa në kërkim janë shpallur 4 persona mes të cilëve Plaurent Dervishaj, Julian Meçaj, Rramazan Rraja dhe A.SH.

Ata akuzohen për veprat penale “Vrasja e funksionarëve publikë”, mbetur në tentativë ndaj prokurorit Arjan Ndoja “Vrasja në rrethana të tjera cilësuese” me pasojë vdekjen e Andi Malokut dhe mbetur në tentativë ndaj Aleksandër Laho, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Vjedhja”, më shumë se një herë, të kryera në bashkëpunim, në formën e grupit të strukturuar kriminal.

Atentati ndaj ish-prokurorit

Në vitin 2019 një atentat me breshëri automatiku iu bë ndaj ish- prokurorit Arjan Ndoj pranë mbikalimit të Shkozetit. Ngjarja ndodhi më 1 nëntor të vitit 2019 në autostradën Tiranë-Durrës në afërsi të mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i “forti i Sukthit”, Aleksandër Laho (alias Pëllumb Muharremi). i njohur si ‘Rrumi i Shijakut’, dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur.

LEXONI GJITHASHTU: 

• Atentati ndaj prokurorit Arjan Ndoja, SPAK mbyll hetimet paraprake
• Biden zotohet se Ukraina do të marrë të gjithë ndihmën që i nevojitet