Akuzohet për disa sulme seksuale, ndalohet nga policia aktori Gerard Depardieu

Policia franceze ka ndaluar për të marrë në pyetje aktorin e njohur, Gerard Depardieu, pas akuzave për sulme seksuale të ngritura nga dy gra.

Aktori 75-vjeçar, i cili ka marrë pjesë në më shumë se 200 filma dhe seri televizive, u akuzua për përdhunim në vitin 2020.

Ai u detyrua të ndalonte karrierën e tij vjeshtën e kaluar pasi ngritjes së akuzave për ngacmime seksuale.

Depardieu tashmë përballet me një akuzë përdhunimi, si dhe pretendime për ngacmime nga disa gra, akua të cilat i ka mohuar të gjitha.

“Kurrë nuk kam abuzuar me një grua,” deklaroi Depardieu për gazetën Le Figaro në tetor.

Pas nisjes së procesit gjyqësor u hoq menjëherë skulptura e tij prej dylli nga muzeu i punimeve të dyllit ‘Musee Grevin’ në Paris.

Gjithashtu rajoni frankofon i Quebec në Kanada i hoqi atij titullin e nderit më të lartë.

Rasti i Depardieu ka shkaktuar një ndarje të madhe në kinemanë franceze dhe gjerë në shoqëri, me disa që mbrojnë atë dhe të tjerë që mbështesin akuzat kundrejt tij.

LEXONI GJITHASHTU:

• Macron mbron Depardieu, i akuzuar për dhunë seksuale: Ai e bën Francën krenare 
• Prokurorët francez hedhin poshtë akuzat për sulm seksual ndaj Gerard Depardieu