Gjykata e Korçës ka lënë në burg pa afat Kryekomisarin Stiljan Pasho me akuzën e trafikimit të lëndëve narkotike.
Avokati i tij Nevzat Tarelli është shprehur se i mbrojturi prej tij nuk ka pasur dijeni se automjeti me të cilin ka udhëtuar rastësisht nga Korça drejt pikës së kalimit kufitar të Kapshticës të ketë pasur lëndë narkotike, ndaj i ka kërkuar gjykatës ndryshimin e masës së sigurisë.
Sipas Tarellit, nuk është e vërtetë se Kryekomisari Stiljan Pasho të ketë udhëtuar herë të tjera me të shoferin e automjetit ku u kap lënda narkotike, i cili akuzohet ashtu siç ka mohuar akuzat se i mbrojturi prej tij të ketë lëvizur me të akuzuarin drejt vendit fqinj qoftë edhe me të arrestuarin e pak ditëve më parë nga policia greke.
Stiljan Pasho, me akuzën e ngritur nga Prokuroria e Korçës, rrezikon të dënohet nga 10-20 vite lirie.
LEXONI GJITHASHTU:
- I akuzuar për trafik droge, përjashtohet nga Policia kryekomisar Stiljan Pasho
- Detaje nga arrestimi i kryekomisarit, pasagjer në automjetin me 26 kg kanabis