Al Ittihad merr vendimin për Mitaj, mbrojtësi shqiptar qëndron në Arabi

Të luash mes yjeve dhe të bindësh drejtuesit të nënshkruajnë me ty nuk është aspak e lehtë, ndërsa ky është rasti i Mario Mitaj, me anësorin kuqezi që është blerja më e re e Al Ittihad.

Prej disa muajsh pjesë e klubit arab, por orëve të fundit është konfirmuar blerja e kartonit nga skuadra që merr pjesë në Saudi Pro League, e cila është bindur nga performance e shqiptarit. Sipas mediave ruse, 5.5 milionë euro janë paguar nga Al Ittihad drejt Lokomotivës së Moskës, një vlerë e ulët për një lojtar që premton shumë, e në të ardhmen mund të shitet disa fish më tepër.

Që prej kalimit tek Al Ittihad, Mitaj nuk ka luajtur vetëm në 3 përballje, më pas në të gjitha të tjerat është aktivizuar, herë si titullar e herë si zëvendësues. Ai ka shënuar edhe gol, madje e asistuar për shokët e skuadrës, ndërsa kujtojmë që luanë përkrah emrave si Benzema, Kante apo Fabinho, e të tjerë lojtarë që kanë bërë mirë në Evropë.

Në ndeshjen e fundit të luajtur ishte ndër më të vlerësuarit nga Flashscore, më mirë se ai ishte vetëm Bergwijn.

LEXONI GJITHASHTU:

• Armando Broja protagonist në Londër, Everton barazon me Arsenalin!
• Manchester United beson te fitorja, përballet në mbrëmje me Arsenalin