Alcaraz mposhtet në Barcelonë, trofeu shkon për norvegjezin Holger Rune

Befasi në finalen e turneut ATP në Barcelonë, ku tenisti spanjoll Carlos Alcaraz është mposhtur nga norvegjezi Holger Rune me rezultatin 2-0 në sete.

Rune, i cili zhvilloi një ndeshje të jashtëzakonshme, fitoi setin e parë pas një tie-break-u dramatik me shifrat 7-6, ndërsa në setin e dytë dominoi plotësisht, duke mbyllur gjithçka 6-2 në vetëm 43 minuta.

Alcaraz, i konsideruar si favoriti kryesor për të fituar titullin, nuk arriti të përmbushë pritshmëritë përballë një Rune të vendosur dhe të saktë në çdo aspekt të lojës. Për norvegjezin, ky është titulli i parë që nga viti 2023 dhe një rikthim domethënës në formën konkurruese.

Ky rezultat konfirmon potencialin e Rune si një nga emrat më të fortë në skenën aktuale të tenisit botëror, ndërsa Alcaraz do të kërkojë të rikthehet me më shumë forcë në turnetë e ardhshëm.