Aleancë kundër drogës në BE, masat për mbrojtjen e porteve

Përballë rritjes së kokainës së trafikuar përmes porteve evropiane, BE synon të bashkëpunojë me operatorët privatë të terminaleve detare, për t’i vënë fre bandave të narkotrafikut. Aleanca Evropiane e Porteve është një nismë e re për të forcuar bashkëpunimin dhe mbledhjen e informacionit nga agjencitë ligjzbatuese dhe sektori privat. Ajo u krijua në Antverp, me iniciativë të komisioneres së BE-së për Punët e Brendshme.

“Grupet kriminale rivale tani po punojnë së bashku, duke bërë bashkë ngarkesa të mëdha në njërën anë të Atlantikut dhe duke i shpërndarë më pas në Evropë. Dhe ne jemi bashkuar për t’i ndalur këto grupe, që duan të infiltrohen në portet tona përmes ryshfetit, korrupsionit dhe kërcënimeve. Është e vështirë të hysh në port dhe të tërheqësh ngarkesën e drogës. Për këtë duhet ndihmë nga brenda”, deklaroi Ylva Johansson, komisionere e BE-së për Çështjet e Brendshme.

Viti 2023 pa një rritje masive të konfiskimeve të drogës në vendet evropiane, me bandat që shfrytëzojnë mangësitë në sistemin e sigurisë së porteve. Aleanca synon të marrë masa antitrafik të marra tashmë në disa porte dhe t’i përhapë ato në Evropë.

LEXONI GJITHASHTU:

• “E ke tritol”-Kurthi i agjentëve për shitësit e drogës në Tiranë, u hoqën si blerës
• Megaoperacioni antidrogë, Rrumbullaku: U goditën 7 grupe kriminale, 273 të arrestuar