Algoritmet përfundojnë simfoninë e Beethoven

Kur Ludwig van Beethoven vdiq në vitin 1827, ai la pas nëntë simfoni të plota dhe fragmentet e trishtueshme të një simfonie të dhjetë.

Me rastin e 250 vjetorit të lindjes së kompozitorit gjerman, një grup muzikologësh dhe programuesish kanë ndërmarrë një projekt ambicioz, t’i mësojnë një kompjuteri të përfundojë simfoninë përmes inteligjencës artificiale.

Për të trajnuar algoritmin, ekipi luajti pjesë të veprave të Beethoven dhe më pas lanë algoritmin të improvizonte. Më tej, ata do t’i mësonin atë që ishte e përshtatshme dhe çfarë mund të ishte gabim.

“Është një proces i gjatë mësimor”, është shprehur projektuesi, “progresi ishte modest në fillim por tani zhvillohet shpejt”.

Simfonia e plotë do të luhet nga një orkestër më 28 prill, pjesë e një programi të madh të ngjarjeve për të shënuar përvjetorin e vdekjes së kompozitorit

Disa ekspozita të reja po hapen, duke përfshirë “Beethoven World Citizen Music” në Bundeskunsthale, e cila gjurmon jetën e Beethoven dhe ku përfshihet dhe një letër që nuk është publikuar kurrë më parë.

Vizitorët në Bon mund të ndalen  brenda shtëpisë ku lindi Beethoven, tani muzeu i Beethoven-Haus.

Pas fasadës së saj rozë gjenden dhoma dhe mbi 200 ekspozita origjinale.