E përjashtoi nga grupi, Tritan Shehu: Të ndihmojmë Alibeajn, është rënduar shumë

Deputeti i Partisë Demokratike, Tritan Shehu reagoi pas vendimit të Alibeajt për ta përjashtuar nga grupi së bashku me 3 deputetë të tjerë demokratë.

Përmes një statusi ironik në faqen e tij në Facebook, Shehu shprehet se Alibeaj duhet shpëtuar pasi është rënduar shumë.

“Ndoshta i duket vetja si Kim Jong-Un a dikush tjetër i ngjashëm. Apo si gjeli mbi kotec, që tremb pulat përreth…. Kjo e fundit më duket më reale, më e vërtetë! Por pavarësisht nga “figura” që imagjinon për veten e tij, ai ka perceptime të deformuara, iluzione, delire. Që e çojnë pastaj në këtë shkallë keqësimi të “shëndetit mendor”! Është rënduar fort i shkreti kohët e fundit, duke tejkaluar në thellësi e ritëm shumë edhe nga parashikimet që kisha për ecurinë e tij shëndetësore”, shkruan mes të tjerash Shehu.

Në njoftimin e grupit të Enkelejd Alibeaj thuhet se deputetët Oerd Bylykbashi; Belind Këlliçi dhe Agron Shehaj nuk u distancuan nga aktet e dhunës ndaj Partisë Demokratike më 8 janar 2021.

LEXONI GJITHASHTU:

• Alibeaj përjashton nga grupi parlamentar i PD 4 deputetë
• Kush janë deputetët pro Alibeajt, por mbështesin kandidatët e Berishës