Alibeaj nuk ka për të gjetur kandidatë për 61 bashki, thotë Ina Zhupa

Deputetja e Partisë Demokratike, Ina Zhupa deklaroi se grupimi që mbështet Enkelejd Alibeajn, nuk do të jetë në gjendje për të gjetur kandidatë për zgjedhjet e ardhshme lokale.

Në një intervistë për Euronews Albania, Zhupa nënvizoi se vota e demokratëve nuk do të përçahet.

“Fare nuk do përçahet vota e demokratëve. E para, unë vazhdoj të jem e bindur se në këto 6 muaj deri në regjistrimin përfundimtar, nuk do kenë dot kandidatë për 61 bashki, se nuk do pranojë njeri të dalë kundër demokratëve dhe opozitarëve.

Asnjë opozitar, asnjë demokrat nuk do të votojë një kandidat që është i destinuar të jetë humbës. Edhe ata e dinë që nuk kanë shans për të fituar ndonjë  bashki, por është thjesht ideja për të prishur punë. Të jeni të bindur që nuk do të gjejnë 61 kandidatë”, theksoi ajo.

Seanca në Gjykatën e Apelit ku pritej të shqyrtohej kërkesa e Enkelejd Alibeajt për bashkimin e vendimeve të Kuvendeve të PD të 17 korrikut dhe 18 dhjetorit, është shtyrë.

Pas kërkesës së avokatit të Alibeajt, Indrit Sefa për shtyrjen e seancës, Gjykata e Apelit vendosi që ta shqyrtojë çështjen më 10 nëntor.

LEXONI GJITHASHTU

• Ina Zhupa: Ndarja e Partisë Demokratike, skenar i parapërgatitur
• Shtyhet vendimi i Apelit për PD
• Alibeaj: Të premten mbledhje tjetër e Kryesisë, vijojmë punën për zgjedhjet lokale