Ambasada ruse reagon ndaj deklaratës së Berishës për Gazprom-in

Ambasada ruse në Shqipëri ka reaguar ndaj deklaratës së ish-kryeministrit Sali Berisha për Gazpromin.

Në një postim në rrjetet sociale ambasada shkruan: “U habitëm nga fjalët e Sali Berishës se 10 vjet më parë ai refuzoi ryshfetin gjoja të propozuar nga Gazprom për zhvillimin e projekteve energjetike në Shqipëri. Na lind natyrshëm pyetja: Sa kërkoi zoti Berisha që as Gazpromi nuk mundi t’i mbledhë dot ato “shuma përrallore?”, u shpreh Berisha.

Berisha u shpreh një ditë më parë se i ishin ofruar pasuri marramendëse nga Gazprom-i rus për projektin e TAP, por se ai qëndroi në mbrojtje të interesave të popullit të tij.

“I them mafies së George Sorosit,  se vetëm për TAP-in, Sali Berishës i janë ofruar shuma përrallore, por ai qëndroi në mbrojtje të interesave të vendit të tij dhe Europës, pasi isha i bindur se një darë gazi rus ndaj Europës ishte lajmi më i keq për Europën dhe Shqipërinë”, tha Berisha.