Ambasadori amerikan: S’janë krijuar kushtet që të mbahen zgjedhjet në veri

Ambasadori amerikan në Kosovë, Jeffrey Hovenier, sot ka reaguar pas ngjarjeve të djeshme në veri të vendit.

Ambasadori theksoi se SHBA-të dënojnë dhunën në veri dhe nënvizoi se për momentin s’janë krijuar kushtet për mbajtjen e zgjedhjeve në veri.

“Shtetet e Bashkuara janë të shqetësuara se nuk janë krijuar kushtet për momentin që zgjedhjet të mbahen në fund të këtij muaji në veri të Kosovës.”, ka shkruar ai në Twitter, duke shtuar se siguria e të gjithë qytetarëve të Kosovës duhet të jetë prioritet.

Disa grupe të qytetarëve serbë në Zubin Potok dhe Mitrovicë të Veriut penguan të martën hapjen e zyrave të Komisionit Qendror të Zgjedhjeve, duke shkaktuar edhe incidente, por pa pasoja në njerëz.

Në këto dy komuna, ashtu si edhe në Zveçan dhe Leposaviç që të gjitha të banuara me shumicë serbe në pjesën veriore të Kosovës – pritet të mbahen zgjedhjet për kryetarë, më 18 dhjetor.

LEXONI GJITHASHTU:

• “Më vjen shumë keq”, Majlinda Bregu komenton dhunën e ushtruar ndaj Berishës
• Bregu për marrëveshjen Roaming: Shqiptarët do paguajnë më pak për telefonat në BE
• Shefi i EULEX-it: Shqetësim për incidentet e djeshme në veri të Kosovës