Ambasadorja Kim viziton ISHP-në, SHBA 2 mln dollarë për zbulimin e rasteve me COVID-19

Ambasadorja amerikane në Shqipëri, Yuri Kim ka  vizituar sot Institutin e Shëndetit Publik, e shoqëruar nga ministrja e Shëndetësisë, Ogerta Manastriliu. Vizita e znj. Kim ishte për të parë nga afër se si ndihma e qeverisë së Shteteve të Bashkuara po mbështet Shqipërinë në përgjigjen ndaj pandemisë COVID-19

Nëpërmjet USAID/Albania, qeveria e Shteteve të Bashkuara ka angazhuar më shumë se 2 milionë dollarë për të përgatitur sisteme laboratorike, për shtimin e mundësisë së zbulimit dhe gjurmimit të rasteve pozitive, përgatitjen e stafit laboratorik për të reaguar, përmirësimin e komunikimit të risqeve, dhe masa të tjera.

Ambasadorja Yuri Kim, e shoqëruar nga Ministrja e Shëndetësisë Ogerta Manastirliu, vizitoi sot Institutin e Shëndetit Publik për të parë nga afër se si ndihma e qeverisë ?? – dhënë nëpërmjet @USAIDAlbania – po mbështet Shqipërinë në përgjigjen ndaj pandemisë #COVID19. pic.twitter.com/iuo9wUmhVr

— USEmbassyTirana (@USEmbassyTirana) May 29, 2020

Gjatë 20 viteve të fundit, Shtetet e Bashkuara kanë investuar në Shqipëri mbi 52 milionë dollarë në fushën e shëndetësisë, dhe mbi 700 milionë dollarë në asistencë totale.