“Ambicia ime, rritja e pensioneve”- Rama: Kompanitë kanë para, t’i rritin pagat

Shqipëria ka hyrë në një etapë të re zhvillimi, ku nuk mund të abuzohet me pagat e punonjësve. Me këtë deklaratë, kryeministri Edi Rama thotë se po hartohet një ligj i ri që godet kompanitë abuzuese, dhe rregullimi i skemës do të ndikojë në rritjen e pensioneve.

Qeveria po përgatit një ligj më të fortë për të ndëshkuar kompanitë që nuk deklarojnë pagat e plota të punëtorëve. Sipas kryeministrit, sot Shqipëria ka hyrë në një fazë të re, kur puna në të zëzë apo paga e padeklaruar nuk duhet të diskutohën më.

Deklarimi i plotë i pagave do t’ë nxisë edhe rritjen e pensioneve, për të cilat Rama tha se e ka ambicje personale.

“Pensionet nuk janë të lidhura me taksat por me kontributet. Sa më shumë të kontribuojmë aq më shumë do të kemi. Rritja e pensioni është objektivi pas pagave. Ambicia ime është të mos iki nga ky post pa i rritur në mënyrë të ndjeshme.  Që të rriten pensionet duhet të punojmë për kontribute”, tha Rama

Rama sqaroi në daljen e tij edhe motivet për rritjen e pagës, të cilat janë të lidhura me zhvillimin ekonomik të vendit përmes rritjes së investimeve, eksporteve dhe flukseve turistike.

LEXO GJITHASHTU:

• Rama: Rritja e pagave domosdoshmëri, s’do marrim borxh për këtë nismë
• Rama flet me shifra: Shqipëria eksportoi 4.1 mld € në 2022, si u rritën të ardhurat