Amerikani u infektua me Ebola, evakuoohet drejt Gjermanisë për trajtim

Një shtetas amerikan ka rezultuar pozitiv me virusin Ebola pasi u ekspozua gjatë punës me një grup misionarësh mjekësorë në Republikën Demokratike të Kongos.

Sipas autoriteteve amerikane, pacienti zhvilloi simptoma gjatë fundjavës dhe po evakuohej drejt Gjermanisë për trajtim të specializuar.

Ndërkohë, shpërthimi i Ebolës në RD të Kongos vazhdon të përkeqësohet. Zyrtarët raportojnë të paktën 131 viktima dhe mbi 513 raste të dyshuara me virusin vdekjeprurës.

CDC njoftoi gjithashtu se po punon për evakuimin e të paktën gjashtë amerikanëve të tjerë që dyshohet se janë ekspozuar ndaj virusit.

Megjithëse fillimisht identiteti i pacientit nuk u bë publik, organizata misionare mjekësore “Serge” konfirmoi më vonë se bëhet fjalë për mjekun amerikan Peter Stafford.

Sipas organizatës, Stafford ishte ekspozuar ndaj virusit teksa trajtonte pacientë në Spitalin Nyankunde në Bunia, ku shërben që prej vitit 2023.