Amfiteatri Durrësit me koncesion? Fondacioni publikon planin e menaxhimit

Pas parkut arkeologjik të Butrintit radhën e ka Amfiteatri i Durrësit për t’u menaxhuar nga një fondacion privat.

Fondi shqiptaro-amerikan i zhvillimit po shtrihet edhe në Durrës për ta menaxhuar jo pak por për 15 vite. Ky plan prek zonën A dhe B arkeologjike ose e thënë ndryshe, përfshin amfiteatrin, banjat romake, dhe forumin bizantin.

Ndërhyrja më e kushtueshme e parashikuar në plan pritet të bëhet në Amfiteatrin e Durrësit. Ky investim kap shifrën deri në 3.3 milion dollarë dhe 2. 3 milion dollarë do të shkojnë banja romake dhe forumi bizantin në një hark kohor prej 3 deri ne 10 vite për t’u mbyllur.

Në plan janë parashikuar të kryhen edhe shembje të shtëpive dhe objekteve përreth. Në planin e hartuar flitet dhe për grupet e interesit me të cilët AADF është konsultuar, ku radhiten shoqata e të verbërve, Dhoma e Tregtisë dhe Industrisë Durrës, Rotary Club, shoqata e arkitektve ku mungojnë drejtoritë rajonale të trashëgimisë kulturore, Instituti kombëtar i Regjistrimit të Trashëgimisë Kulturore, apo edhe specialistë të pavarur. 

Plani i menaxhimit të zonave arkeologjike A dhe B të qytetit të Durrësit është hedhur për konsultim publik nga qeveria shqiptare deri më 3 gusht të këtij viti.

LEXONI GJITHASHTU:

• Rikthimi i amfiteatrit të Durrësit në identitet, firmoset marrëveshja