Amnistia/ Lapaj: Për dy cigare hashash dënohen 40 muaj, për vrasje dalin

I ftuar në Euronews Albania, avokati Adriatik Lapaj, foli në lidhje me amnistinë fiskale që pritet të aplikohet nga maxhoranca socialsite.

Në fjalën e tij Lapaj u ndal dhe te sistemi i drejtësisë në vend, ku tha se marzhi i subjektivitetit që i lihet në dorë gjyqtarit për një vepër penale, është shumë i lartë duke lënë vend për abuzime.

Lapaj tha se veprat e lehta penale marrin dënimin maksimal, ndërkohë që kategoria e veprave të rënda penale, si vrasjet, marrin dënimin më të ulët që parashikon ligji.

“Unë konstatoj një gjë e cila më rezulton gjithnjë e më shumë. Për kategorinë e veprave të lehta përgjithësisht gjykatat priren drejt dozave maksimale të dënimit, pra anojnë nga dënimi i rëndë për aq kohë sa dispozita parashikon.

Ndërkohë që për veprat shumë të rënda, gjykatat priren drejt minimumit të dënimit. Nëse për vrasje dënohesh nga 10 deri në 20 dhe i jep 10 dhe i pranon dhe gjykimin e shkurtuar dhe e nxjerr me 7 vjet, ndërsa për dy cigare hashash i jep 40 muaj, ka një qasje shumë të gabuar ër sa i përket subjektivitetit. Dhe kjo lidhet me korrupsion. Pasi unë mendoj se në një republikë si kjo e jona është mirë që marzhi që i lihet në dorë subjektivitetit të gjyqtarit të jetë më i vogël”, tha Lapaj.

LEXONI GJITHASHTU:

• Mbipopullimi në burgje, gazetari zbulon numri e të dënuarve në Shqipëri
• Mbipopullimi në burgje, Manja: Në 2023 do t’i propozojmë Parlamentit amnisti penale
• Gazetari Çollaku: Po arrestohen persona pa vendime gjykate