Analisti Plator Nesturi: Në këto zgjedhje jenë të avantazhuar deputetët e vjetër

Analisti Plator Nesturi tha në Euronews Albania  se në zgjedhjet e 25 prillit kandidatët që kanë një kontribut të gjatë në politikë janë më të avanatazhuar se të rinjtë.

Ky avantazh i tyre shton ai vjen për shkak të votës preferenciale, ku krahas partisë, qytetarët mund të zgjedhin edhe kandidatin.

“Ajo që unë shoh në këto zgjedhje, shoh që do të jenë të avantazhuar deputetët e vjetër apo ata që kanë një kontribut të hershëm tek ajo që quhet votë preferenciale”, tha ai.

Kjo formulë shton z. Nesturi do të nxisë një garë të brendshme mes kandidatëve të së njëjtës parti politike.

“Pasi vetë të rinjtë nuk do kenë kohë të mjaftueshme apo mënyra të mjaftueshme për t’u evidentuar apo për ta kërkuar votën, gjithsesi kjo  është një betejë, që në vetëvete mund të sjellë dhe atë problematikën, që brenda vetë listës të mos merren me elektoratin, por të merren me një lloj gare me njëri tjetrin”, tha Nesturi.