Analistja: Serbia po shfrytëzon deklaratat e pamatura të kundërshtarëve të Thaçit

Analistja Afërdita Maliqi tha për Euronews Albania se deklaratat e kundërshtarëve politik të kundërshtarëve të hashim Thaçit, po përdoren tashmë në gjykatën e Hagës, për ta rënduar situatën e ish krerëve të UÇK-së.

Duke iu referuar deklaratave të Donika Gërvallës e cila është cituar në gjykatën e Hagës, kundër Thaçit, analistja i quajti ato deklarata “të papjekura, e të pa menduara mirë”.

“Kur filloi gjyqi në Hagë ne pamë se u përdorën disa nga deklaratat e personave që kanë qenë në opozitë në kohën e Hashim Thaçit. Kjo ka qenë papjekurti politike, e shumë njerëzve, që urrejtjen që kanë pasur ndaj Hashim Thaçit si kryeministër.

Deklaratat e papjekura politike që i kanë bërë kur nuk kanë qenë në pushtet, i ka dhënë mundësi serbëve të citojnë deklaratat e tyre që i kanë dhënë në kohën kur nuk kanë pasur pushtet, është shumë e rëndë por ia kanë dhënë “topin” Serbisë, pasi për shkak të konkurrencës politike fjalët e tyre tani po përdoren në gjykatën e Hagës”,-tha Afërdita Maliqi.

LEXONI GJITHASHTU:

• “Mos votoni si tifoz”, Rama në Malësinë e Madhe: Më 14 Maj, punësoni më të mirët
• Futi foshnjën në çantë dhe e la të vdiste, burg përjetë për 29-vjeçarin