Analiza e Kreshnik Spahiut: Pse Blinken i ktheu krahët opozitës

Juristi Kreshnik Spahiu tha në “Now me Erla Mëhillin” se Antony Blinken në vizitën e bërë këtë të enjte në Tiranë e injoroi shumë opozitën shqiptare.

Sipas juristit fakti që ai nuk mbajti asnjë fjalë në Kuvendin e Shqipërisë, tregon se sekretari i shtetit njeh vetëm një faktor politik në Shqipëri dhe ai është Edi Rama.

“Blinkeni vërtet e injoroi shumë opozitën dhe nuk e takoi, por bëri edhe një gjest tjetër që nuk e bëri Hilary Clinton. Ai mund të zgjidhte fjalën në parlament, por e injoroi edhe parlamentin. As me sy nuk denjoi që ti shikonte. Nuk pranoi të jepte mesazhe në kuvend  që e kanë dhënë shumë sekretarë shteti të mëparshëm.

Nuk pranoi ti takonte as opozitën e Berishës dhe as opozitën e Lulzim Bashës, sepse ka një lloj zhgënjimi të faktorit amerikan edhe me ata që dolën kundër Sali Berishës, sepse një nga një shkuan poshtë ballkonit. Këta e kanë vënë në dyshim se një ditë mund të shkojnë të gjithë poshtë ballkonit. Sot ata dëshmuan se vetëm një faktor politik njohin në Tiranë dhe ai ëhstë Edi Rama”,-tha juristi Spahiu.

LEXONI GJITHASHTU:

• Arian Çani: Rama sot vulosi fitoren e zgjedhjeve të 2025, opozita s’ka shpresë
• “Xhon Kerri ishte brilant”- Manjani: Arsyeja e vërtetë pse erdhi Blinken në Shqipëri