“Anglishtja në klasë të parë”, pedagogia: Është e gabuar, i ngatërron nxënësit

Pedagogia Mimoza Karagjozi Kore e ftuar në Euronews Albania tha se futja e gjuhës së huaj që  në klasë të parë është e gabuar.

Sipas saj fëmijët në këtë moshë duhet me patjetër të mësojnë mirë gjuhën amtare dhe se përpjekja që të mësojnë dy gjuhë në të njëjtën kohë mund të shkaktojë ngatërresa te ta.

Gjithashtu pedagogia tha se nuk mund të mësohet mirë gjuha e huaj pa ditur më parë atë amtaren.

“Futja e anglishtes në klasë të parë është e gabuar. Fëmija është në moshën kur duhet të thithë strukturat e gjuhës amtare, është momenti kur ai mund t’i ngatërroj pasi nuk di në kë regjistër të shkojë. Kështu që gjuha amtare është mosha e parë ku hidhen themelet dhe baza e shëndoshë, është gjuha e zemrës që krijon në familje dhe në shkollë.

Mbi 10  vjeç edhe mundet, por jo aq të vegjël. Rinia jonë e kanë mësuar 16-17 vjeç dhe e dinë shumë mirë. Që në fillore mua më duket… pa mësuar mirë gjuhën amtare nuk mund të mësosh gjuhë të tjera”,-tha pedagogia Mimoza Karagjozi Kore.

LEXONI GJITHASHTU:

• Mbi 1.000 palestinezë të paraburgosur në Izrael pa akuza të ngritura
• Stilisti 12-vjeçar nga Shkupi. I talentuar në dizajne, por ëndërron të bëhet pilot
• Avokati: Nuk ka asnjë provë apo dëshmitarë për akuzat ndaj Kadri Veselit